سرچ انجن کی نوعیت:

تلاش کی نوعیت:

تلاش کی جگہ:

(10) غیر مسلم کا مسجد میں عبادت کرنا

  • 26150
  • تاریخ اشاعت : 2020-11-30
  • مشاہدات : 23

سوال

السلام عليكم ورحمة الله وبركاته

کیا غیر مسلم کو اجازت ہے کہ وہ مسجد میں آکر اپنی عبادت کرے؟


الجواب بعون الوهاب بشرط صحة السؤال

وعلیکم السلام ورحمة الله وبرکاته!

الحمد لله، والصلاة والسلام علىٰ رسول الله، أما بعد!

مسئلہ ہذا میں اہل علم کا سخت اختلاف ہے۔ لیکن میرے خیال میں بطور تالیف یا مصلحت دین میں کوئی حرج نہیں جس طرح کے نصرانی وفد نجران کو آپ صلی اللہ علیہ وسلم نے مسجد نبوی میں ٹھہرایا۔ اور اپنے طور طریقہ پر عبادت کرتا رہا۔ (تفسیر ابن کثیر وغیرہ) لیکن عام حالات میں اجازت نہیں ہونی چاہیے۔کیونکہ بظاہر اس سے ان کی شان وشوکت کا پہلو نکلتا ہے۔ جو غلبۂ دین کے منافی ہے۔

قرآن میں ہے ﴿لِيُظهِرَهُ عَلَى الدّينِ كُلِّهِ﴾ الفتح : 28

اور حدیث میں ہے «الْإِسْلَامُ يَعْلُو وَلَا يُعْلَى عليه»

ھذا ما عندي واللہ اعلم بالصواب

فتاویٰ ثنائیہ مدنیہ

ج1ص192

محدث فتویٰ

ماخذ:مستند کتب فتاویٰ