سرچ انجن کی نوعیت:

تلاش کی نوعیت:

تلاش کی جگہ:

کچھ ہما رے با رے میں

ہماری تمام ویب سائٹس(محدث حدیث انسائیکلوپیڈیا ، کتاب و سنت (محدث) لائبریری، محدث فتویٰ، مکتبہ شاملہ اردو، محدث فورم، محدث میگزین) اسلامک ویلفیئر ٹرسٹ کے زیر اہتمام قائم معروف تحقیقی ریسرچ سنٹر مجلس التحقیق الاسلامی کے زیر اہتمام چل رہی ہیں۔ یہ مکمل سیٹ اپ مرکز النور غازی چوک، کالج روڈ لاہور میں واقع ہے۔ٹرسٹ کے زیر اہتمام متعدد علمی، تحقیقی اور رفاہی ادارے کام کر رہے ہیں۔ اس شعبے کے نگران ڈاکٹرحافظ انس نضر صاحب، جبکہ انتظامی ذمہ دار عمران اسلم صاحب ہیں۔اس سائٹ کا مختصر تعارف پیش خدمت ہے: مسلمانوں کو ہر دور میں اپنے عقائد، عبادات، معاملات، مسلموں اور غیر مسلموں سے تعلقات، داخلی و خارجی اختلافات و نزاعات اور اخلاقیات غرضیکہ ہر شعبہ میں پیش آمدہ مسائل میں علما کی طرف رجوع کرنا پڑتا ہے۔ اور دین میں اس کی اہمیت کے پیش نظر علما بھی خاطر خواہ اس کا اہتمام کرتے رہے ہیں اور کر رہے ہیں۔آج کے اس تحقیقی اور سائنسی دور میں جب انٹرنیٹ معاشرے کا جزو لا ینفک بنتا جا رہا ہے اس بات کی شدید ضرورت محسوس کی جا رہی تھی کہ عوام الناس کو ایک ایسا پلیٹ فارم مہیا کیا جائے جہاں وہ اپنے تمام پیش آمدہ مسائل کا آسانی کے ساتھ شریعت کی روشنی میں حل تلاش کر سکیں۔ ’مجلس التحقیق الاسلامی‘ نے ’اردو فتوی ڈاٹ کام‘ سائٹ کا اجرا کیا۔ اس سائٹ کے ذریعے سے عوام الناس کے لیے پیش آمدہ کسی بھی مسئلے کا شرعی حل جاننا مشکل نہیں رہا ہے۔ کیونکہ سائٹ پر موجود تقریباً 30ہزار فتاویٰ جات تک یوزر کو مکمل رسائی حاصل ہے۔ یہ وہ تمام فتاویٰ جات ہیں جو جدید و قدیم سلفی علما نے اپنی کتب میں درج کیے تھے۔ مختلف مفتیان کے فتاوی جات کی موجودگی کا ایک فائدہ یہ ہے کہ قاری ایک ہی مسئلہ میں ایک سے زیادہ آراء اور فتاوی جات دیکھ سکتا ہے۔ یوزر مطلوبہ فتویٰ کو کوئی لفظ لکھ کر بھی اور موضوع وار فتاویٰ میں بآسانی تلاش کر سکتا ہے۔ اگر کوئی شخص فتاویٰ کی کتب میں سے کسی کو بھی ترتیب کے ساتھ پڑھنا چاہے تو اس کی سہولت بھی موجود ہے۔ ویب سائٹ پر سوال پوچھنے کی بھی آپشن دی گئی ہے۔ اور محدث فتویٰ کمیٹی کی جانب سے جس قدر جلدی ممکن ہو اس سوال کا جواب دے دیا جاتا ہے جو سائل کو پرسنل میں بھی موصول ہوتا ہے اور ویب سائٹ پر بھی اپلوڈ کر دیا جاتا ہے۔ کسی بھی فتویٰ کو کاپی پیسٹ اور خوبصورت فارمیٹ میں پرنٹ کیا جا سکتا ہے۔