سرچ انجن کی نوعیت:

تلاش کی نوعیت:

تلاش کی جگہ:

(913) قرآن کی رو سے ہمارانام صرف مسلم ہے پھر کیوں..الخ

  • 5479
  • تاریخ اشاعت : 2013-07-04
  • مشاہدات : 521

سوال

السلام عليكم ورحمة الله وبركاته

قرآن کی رو سے ہمارانام صرف مسلم ہے پھر کیوں اہلحدیث ، سلفی یا اثری رکھتے ہیں ؟

                                                رانا رؤف ارشاد ایڈووکیٹ ملتان25/7/98


الجواب بعون الوهاب بشرط صحة السؤال

وعلیکم السلام ورحمة اللہ وبرکاته

الحمد لله، والصلاة والسلام علىٰ رسول الله، أما بعد!

قرآن مجید میں ہے{ہُوَ سَمَّاکُمُ الْمُسْلِمِیْنَ}[اس نے نام رکھا ہے تمہارا مسلمان]  اور قرآن مجید میں ہے : {إِنَّ الَّذِیْنَ آمَنُوْا وَالَّذِیْنَ ہَادُوْا وَالنَّصَارٰی وَالصَّابِئِیْنَ}3   [تحقیق جو لوگ کہ ایمان لائے اور وہ لوگ کہ یہودی ہوئے اور عیسائی اور بے دین]  {وَتُوْبُوْآ إِلَی اﷲِ جَمِیْعًا أَیُّہَ الْمُؤْمِنُوْنَ}[اور توبہ کرو اللہ کی طرف تمام اے ایمان والو] {وَالسَّابِقُوْنَ الْأَوَّلُوْنَ مِنَ الْمُہَاجِرِیْنَ وَالْأَنْصَارِ}5 [اور مہاجرین اور انصار میں سے جن لوگوں نے اول ہجرت کی اور پہلے اسلام لائے] تو اہل اسلام کے لیے قرآن مجید میں مسلم کے علاوہ مومن ، مہاجر اور انصار بھی آئے ہیں پھر اللہ تعالیٰ کا فرمان ہے : {وَجَعَلْنَاکُمْ شُعُوْبًا وَّقَبَآئِلَ لِتَعَارَفُوْا}5 الآیۃ [اور کیا ہم نے تم کو کنبے اور قبیلے تاکہ ایک دوسرے کو پہچانو]  اہلحدیث ، سلفی اور اثری صرف تعارف کے لیے ہیں مسلم اور مومن کا بدل نہیں اور نہ ہی ان کے مقابل ہیں۔        

    ھذا ما عندي والله أعلم بالصواب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

2[الحج ۔ ۷۸]3[البقرۃ ۔۶۲]4[النور۳۱پ۱۸] 5[التوبۃ   ۱۰۰] 6[الحجرات ۔۱۳]

 

قرآن وحدیث کی روشنی میں احکام ومسائل

جلد 01 ص 632

محدث فتویٰ

ماخذ:مستند کتب فتاویٰ