کیا فرماتے ہیں علماء دین اس مسئلہ میں کہ ہندی ایک لڑکی ہے جس کی عمر تخمیناً تیرہ برس کی ہوگی۔ اس کے باپ ماں انتقال کر گئے اس کے دادا بھی نہیں ہیں اب اس لڑکی یتیمہ کا نکاح اس کی اجازت سے اس کے چچا نے اپنے دوسرے بھائی کے لڑکے کے ساتھ کردیا اوراس کےدوسرے چچا اور گھر کے سب لوگ راضی تھے صرف اس لڑکی کے نانا راضی نہیں ہیں پس یہ نکاح موافق شریعہ محمدیہ کے درست اور جائز ہوا یا نہیں؟ مدلل تحریر فرمادیں۔
سبحنك لاعلم لنا الا ما علمتنا انك انت العليم الحكيم بصورت صدق سوال اس ہندہ یتیمہ کا اس عمر میں فی الحقیقت بالغہ کا ہونا تصور کیا جاسکتا ہے اور اگر فی الحقیقت بالغہ نہیں ہے تو بھی شرعا حکم بالغہ اس پر صادق آتا ہے اور اس کی اجازت سے اس کے چچا ولی اقرب نے جو شادی کردی یہ شادی موافق شریعت محمدیہ علی صاح بها الصلوة والتحية کے درست معلوم ہوتی ہے ۔ قال ااحمد واسحاق اذا بلغت اليتيمة تسع سنن فزوجت فرضعت فالنكاح جائز ولا خيار له ااذا ادركت ّ (ای بلغت از مؤلف) واحتجا بحديث عائشة ان النبي صلي الله عليه وسلم بني بها وهي بنت تسع سنين وقد قالت عائشة اذا بلغت الجارية تسع سنين فهي امراة هكذا في عون المعبود شرح سنن ابي داود لشيخنا العلامة الفهامة ابي الطيب محمد شمس الحق عظيم آبادي دام فيضه
اس عبارت بالا سے یہ بات بھی ثابت ہوتی ہے کہ اگر یتیمہ نابالغہ کا نکاح اس کے عدم رضا سے کردیا جائے بعد ازاں وہ یتیمیہ راضی ہوجائے تو وہ بھی نکاح جائز ہے چہ جائیکہ اس سوال میں اس ہندو یتیمہ کی رضا مندی اور اجازت قبل عقد نکاح کے ثابت ہےپائی جاتی ہے اور ولی مذکور کے ماسوا دیگر اولیا کا موجود ہونا اور اس پر راضی رہنا یہ بات بھی ثابت ہے ۔ اور حکم بالغہ کا س ہندہ پر جاری ہے ۔اور اغلب گمان یہ کہ حقیقت میں یہ ہندہ بالغہ ہے ،پس باوجود ان وجوہات کے یہ نکاح کیوں کر درست نہ ہو ، باقی رہی یہ بات کہ اس لڑکی کے نانا اور نانی راضی نہیں ہیں تو ان کے عدم رضا سے یہ نکاح نادرست نہیں ہوسکتا ہے۔ اولا جمہور علامء کے نزدیک ذوی الارحام ولی نہیں ہے ۔ اور نانا ذوی الارحام میں شامل ہے اور نانی اگرچہ زوی الار حام میں شامل نہیں ہے تاہم یہ عصبہ( یعنی ولی بھی نہیں ہے از مؤلف) بھی نہیں ہے۔ چنانچہ بلوغ المرام میں ہے: عن ابي هريرة رضي الله عنه قال قال رسول الله صلي الله عليه وسلم :لاتزوج المرآة المراة ولا تزوج المراة نفسها رواه ابن ماجه والدار قطني ورجاله ثقات ّ اور اس کی شرح سبل السلام میں ہے ۔ فيه دليل علي ان امراة ليس لها ولاية في لانكاح لنفسها ولالغيرهاّ پس ان وجہوں سے ان دونوں کے عدم رضا کا اثر اس نکاح پر نہیں پڑسکتا ہے۔اور جن علماء کے نزدیک عصبات کے ماسوا ذوی الفرائض وذوی الارحام بھی ولی ہوسکتے ہیں تو ان کے نزدیک بھی عصبات مقدم ہیں ذوی الارحام وغیرہ پر اور نانی تو کسی حال میں ولی نہیں ہوسکتی ہے ۔كما مر الآن قال علي القاري الحنفي : الولي هو العصبة علي ترتيبهم بشرط حرية وتكليف ثم الام ثم ذوالرحم الاقرب ثم مولي المولات ثم القاضٰ هكذا في عون المعبودّ
اس قول میں لفظ "ثم الام" کا اس سے ماں کا ولی ہونا بعد عصبات کے ثابت ہوتا ہے لیکن مسئول عنہما میں ماں کا عدم ہونا ثابت ہے ۔اس کے ماسوا اگر ماں زندہ بھی ہوتی ہے تو بھی ولی نہیں ہوسکتی تھی حدیث شریف کی رو سے : اذآ جاء نهر رسول الله صلي الله عليه وسلم بطل نهر معقل ّ خلاصہ ان سب عبارتوں کا یہ ہے کہ اس ہندہ کے چچا نے ہندہ کی جو شادی موافق شریعت محمدیه علي صاحبها الصلوٰة والتحية کے درست ہوئی اور نانا نانی کے غیر رضا سے یہ شادی نہیں ہوسکتی ہے ۔هذا عندي وفوق كل ذي علم عليم ّ والله اعلم بالصواب ّ حرره العبد المستكين محمد عين الدين غفرله الله المتين الي يوم الدين متيابرجي الكلكتاوي ّ من المدرسة الاسلاميه الواقعه في جہال گنج من مضافات بگوڑا ۔ مورخہ 24 جمادی الاخری 1326ھ
نکاح مذکور موافق شریعت محدیہ جائز ودرست ہے واللہ اعلم
ھذا ما عندی واللہ اعلم بالصواب
