الحمد لله، والصلاة والسلام علىٰ رسول الله، أما بعد!

مغرب کا وقت سورج کے مکمل طور پر غروب ہونے سے شروع ہوتا ہے اور آسمان سے سرخی کے غائب ہونے تک رہتا ہے۔
سیدنا عبداللہ بن عمرو رضی اللہ  عنہ بیان کرتے ہیں کہ رسول اللہ ﷺ نے فرمایا: ’’ ظہر کا وقت (شروع ہوتا ہے) جب سورج ڈھل جائے اور آدمی کا سایہ اس کے قد کے برابر ہو (جانے تک)، جب تک عصر کا وقت نہیں ہو جاتا (رہتا ہے) اور عصر کا وقت (ہے) جب تک سورج زرد نہ ہو جائے اور مغر ب کا وقت (ہے) جب تک سرخی غائب نہ ہو جائے اور عشاء کی نماز کا وقت رات کے پہلے نصف تک ہے اور صبح کی نماز کا وقت طلوع فجر سے اس وقت تک (ہے) جب تک سورج طلوع نہیں ہوتا، جب سورج طلوع ہونے لگے تو نماز سے رک جاؤ کیونکہ وہ شیطان کے دو سینگوں کے درمیان نکلتا ہے ۔‘‘ (صحیح مسلم: 612)

والله أعلم بالصواب.