الحمد لله، والصلاة والسلام علىٰ رسول الله، أما بعد!

جمعہ کے دن یا جمعہ کی رات میں سورہ کہف پڑھنے کی فضیلت میں نبیﷺ سے صحیح احادیث وارد ہیں، جن میں سےکچھ کا ذکرذیل میں کیا جاتا ہے۔

سیدنا ابوسعید خدری  بیان کرتے ہیں کہ نبیﷺ نے فرمایا :

من قرأ سورة الكهف ليلة الجمعة أضاء له من النور فيما بينه وبين البيت العتيق (سنن الدارمي: 3407، صحيح الجامع: 6471)

جس نے جمعہ کی رات سورۃ الکھف پڑھی اس کے اور بیت اللہ کے درمیان نورکی روشنی ہوجاتی ہے۔

سیدنا ابوسعید خدری  بیان کرتے ہیں کہ نبیﷺ نے فرمایا :

إِنَّ مَنْ قَرَأَ سُورَةَ الْكَهْفِ يَوْمَ الْجُمُعَةِ أَضَاءَ لَهُ مِنَ النُّورِ مَا بَيْنَ الْجُمُعَتَيْنِ (مستدرك حاكم: 3392، صحيح الجامع: 6470)

جس نے جمعہ کے دن سورۃ الکھف پڑھی اسے کے لیے دوجمعوں کے درمیان نورروشن ہوجاتا ہے۔

اس حدیث کے متعلق حافظ ابن حجر رحمہ اللہ " تخریج الاذکار " میں فرماتے ہیں:

حديث حسن ، وقال : وهو أقوى ما ورد في قراءة سورة الكهف (فيض القدير، جلد 6 ص 198)  ’’یہ حدیث حسن ہے ، اور سورۃ الکہف کے بارے میں سب سےقوی یہی حديث ہے ۔‘‘

سورۃ الکھف جمعہ کی رات یا پھر جمعہ کے دن پڑھنی چاہیے۔ جمعہ کی رات جمعرات کومغرب سے شروع ہوتی اور جمعہ کا دن غروب شمس کے وقت ختم ہوجاتا ہے، تو اس بناپر سورۃ الکھف پڑھنے کا وقت جمعرات والے دن غروب شمس سے جمعہ والے دن غروب شمس تک ہوگا۔ (فيض القدير، جلد 6 ص 199)  

والله أعلم بالصواب.