الحمد لله، والصلاة والسلام علىٰ رسول الله، أما بعد!

قسطوں میں زکاۃ ادا کرنے کی دو صورتیں ہیں :

پہلی صورت:

 زکاۃ کے واجب ہونے سے پہلے اسے قسطوں میں ادا کرنا، یعنی سال  مکمل ہونے سے پہلے زکاۃ کو پیشگی طور پر قسطوں میں دینا۔ مثلاً کوئی شخص زکاۃ کی نیت سے ہر ماہ دس ہزار روپے فقراء کو دیتا رہے۔ یہ طریقہ جائز ہے۔

دوسری صورت:

زکاۃ کے واجب ہو جانے کے بعد اسے قسطوں میں ادا کرنا۔ یہ جائز نہیں ہے؛ کیونکہ اس سے زکاۃ کے واجب ہونے کے بعد اس کی ادائیگی میں تاخیر لازم آتی ہے، جبکہ اصل حکم یہ ہے کہ زکاۃ واجب ہوتے ہی فوراً ادا کی جائے۔

والله أعلم بالصواب.