الحمد لله، والصلاة والسلام علىٰ رسول الله، أما بعد!

عيد کی نماز کھلے اور وسیع میدان میں ادا کرنا سنت ہے کیونکہ رسول اللہ صلی اللہ علیہ وسلم نے مسجد نبوی میں نماز پڑھنے کی فضیلت کے باوجود کھلے میدان میں نماز عید ادا کی ۔

 سیدناابوسعید خدری رضی اللہ عنہ فرماتے ہیں:

كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَخْرُجُ يَوْمَ الْفِطْرِ وَالْأَضْحَى إِلَى الْمُصَلَّى فَأَوَّلُ شَيْءٍ يَبْدَأُ بِهِ الصَّلَاةُ (صحیح البخاری، العیدین: 956)

نبی ﷺ عیدالفطر اور عیدالاضحیٰ کے دن عیدگاہ تشریف لے جاتے تو پہلے جو کام کرتے وہ نماز ہوتی۔

اگر کوئی عذر ہو جیسے بارش وغیرہ کی صورت میں ، یا لوگ بڑھاپے وغيره کی وجہ سے عیدگاہ نہ جا سکتے ہوں، تو مسجد میں پڑھنا بھی جائز ہے۔

والله أعلم بالصواب.