الحمد لله، والصلاة والسلام علىٰ رسول الله، أما بعد!

روزے کی حالت میں پيٹ ميں كوئى بھى چیز داخل کرنا منع ہے، چاہےے وہ چیز عام طور پر کھائی جاتی ہو یا نہ کھانے والی ہو، جیسے کوئی شخص روٹی کھالے، مٹی کھالے، ناخن ، چمڑا، کنکری کھا لے یا سکہ وغیرہ نگل لے اس کا روزہ ٹوٹ جائے گا؛  كيونكہ روزے کی حالت میں  معدہ ميں کوئی بھی چیز داخل کرنا منع ہے۔ اسی طرح اگر انسان کے مسوڑھوں ميں زخم ہوں، يا پھر مسواك كرنے کی وجہ سے خون نكل آئے تو اسے نگلنا جائز نہيں ہے، بلكہ اسے باہر نكالنا ضرورى ہے، لیکن اگر اس كے اختيار كے بغير یہ خون حلق ميں چلا جائے تو  روزہ نہیں ٹوٹے گا۔

اس لیے اگر کوئی شخص اپنے ہونٹ چباتا ہو اور ہونٹوں سے اترنے والا چھلکا نگل لے تو اس کا روزہ ٹوٹ جائے گا،  اس لیے انسان کو اس بری عادت پر قابو پانا چاہیے۔ اگر بے دھیانی اور بغیر ارادے کے اس سے یہ کام ہوجائے تو پھر روزہ نہیں ٹوٹے گا۔

والله أعلم بالصواب.