الحمد لله، والصلاة والسلام علىٰ رسول الله، أما بعد!

انسان کو قبرستان جانا چاہیے، اس سے اسے موت یاد آتی ہے، آخرت کی فکر لاحق ہوتی ہے، وہ اپنے اعمال، اخلاق اور رویوں کو درست کرتا ہے۔

سيدنا ابو ہریرہ  رضی اللہ عنہ بیان کرتے ہیں کہ رسول اللہ ﷺ نے فرمایا:

زُورُوا الْقُبُورَ؛ فَإِنَّهَا تُذَكِّرُكُمُ الْآخِرَةَ (سنن ابن ماجه، الجنائز: 1569) (صحيح)

قبروں کی زیارت کیا کرو، یہ تمہیں آخرت کی یاد دہانی کراتی ہے۔

قبرستان جانے پر درج ذیل مسنون دعا پڑھنی چاہیے:

سیدنا بریدہ اسلمی رضی اللہ تعالیٰ عنہ  فرماتے ہیں کہ  جب وہ قبرستان جاتے تو رسول اللہ ﷺ ان کو تعلیم دیا کرتے تھے تو سیکھنے کے بعد ان کا کہنے والا کہتا:

السَّلَامُ عَلَيْكُمْ أَهْلَ الدِّيَارِ مِنَ الْمُؤْمِنِينَ وَالْمُسْلِمِينَ، وَإِنَّا، إِنْ شَاءَ اللهُ لَلَاحِقُونَ، أَسْأَلُ اللهَ لَنَا وَلَكُمُ الْعَافِيَةَ (صحيح مسلم، الحنائز: 975) 

مسلمانوں اور مومنوں کے ٹھکانے میں رہنے والو تم پر۔ اور ہم ان شاء اللہ ضرور (تمہارے ساتھ) ملنے والے ہیں، میں اللہ تعالیٰ سے اپنے اور تمھارے لئے عافیت مانگتا ہوں۔

والله أعلم بالصواب.