الحمد لله، والصلاة والسلام علىٰ رسول الله، أما بعد!

عصر کا وقت شروع ہوتا ہے جب ہر چیز کا سایہ اس کے قد کے برابر ہو جائےاور سورج کے غروب ہونے تک رہتا ہے۔

سیدنا  عبداللہ بن عمرو رضی اللہ عنہ بیان کرتے ہیں کہ رسول اللہ ﷺ نے فرمایا: 

وَقْتُ الظُّهْرِ مَا لَمْ يَحْضُرِ الْعَصْرُ، وَوَقْتُ الْعَصْرِ مَا لَمْ تَصْفَرَّ الشَّمْسُ، وَوَقْتُ الْمَغْرِبِ مَا لَمْ يَسْقُطْ ثَوْرُ الشَّفَقِ، وَوَقْتُ الْعِشَاءِ إِلَى نِصْفِ اللَّيْلِ، وَوَقْتُ الْفَجْرِ مَا لَمْ تَطْلُعِ الشَّمْس (صحیح مسلم: 612)

ظہر کا وقت (شروع ہوتا ہے) جب سورج ڈھل جائے اور آدمی کا سایہ اس کے قد کے برابر ہو (جانے تک)، جب تک عصر کا وقت نہیں ہو جاتا (رہتا ہے) اور عصر کا وقت (ہے) جب تک سورج زرد نہ ہو جائے اور مغر ب کا وقت (ہے) جب تک سرخی غائب نہ ہو جائے اور عشاء کی نماز کا وقت رات کے پہلے نصف تک ہے اور صبح کی نماز کا وقت طلوع فجر سے اس وقت تک (ہے) جب تک سورج طلوع نہیں ہوتا، جب سورج طلوع ہونے لگے تو نماز سے رک جاؤ کیونکہ وہ شیطان کے دو سینگوں کے درمیان نکلتا ہے ۔

عصر کے آخری وقت کے بارے میں منقول تمام احادیث کو اکٹھا کیا جائے تو یہ سمجھ آتا ہے کہ عصر کا پسندیدہ  وقت تب تک رہتا  ہے جب ہر چیز کا سایہ اس کے قد کے دوگناہ ہو جائے، اور سورج کے زرد ہونے تک نماز عصر پڑھنا جائز ہے، مجبوری اور عذر کی بنا پر نماز عصر سورج غروب ہونے سے پہلے پہلے پڑھی جا سکتی ہے۔

والله أعلم بالصواب.