الحمد لله، والصلاة والسلام علىٰ رسول الله، أما بعد!

رسو ل اللہ صلی اللہ علیہ وسلم نے سونے اور چاندی کے برتن استعمال کرنے سے منع کیا ہے۔

سیدنا ابو حذیفہ رضی اللہ عنہ بیان کرتے ہیں نبی ﷺ نے فرمایا:

لاَ تَشْرَبُوا فِي آنِيَةِ الذَّهَبِ وَالفِضَّةِ، وَلاَ تَلْبَسُوا الحَرِيرَ وَالدِّيبَاجَ، فَإِنَّهَا لَهُمْ فِي الدُّنْيَا وَلَكُمْ فِي الآخِرَةِ (صحیح البخاری، الأشربة: 5633، صحيح مسلم، اللباس والزينة: 2067)

سونے چاندی کے برتنوں میں نہ کھاؤ پیو نیز ریشم اور دیبا بھی نہ پہنو کیونکہ یہ چیزیں ان (کفار) کے لیے دنیا میں ہیں اور تمہارے لیے آخرت میں ہوں گی۔

سیدہ ام سلمہ رضی اللہ تعالیٰ عنہا  بیان کرتی ہیں کہ رسول اللہ ﷺ نے فرمایا:

مَنْ شَرِبَ فِي إِنَاءٍ مِنْ ذَهَبٍ أَوْ فِضَّةٍ فَإِنَّمَا يُجَرْجِرُ فِي بَطْنِهِ نَارًا مِنْ جَهَنَّمَ (صحيح مسلم، اللباس والزينة: 2065)
جو شخص سونے یا چاندی کے برتن میں پیتا ہے وہ اپنے پیٹ میں غٹاغٹ جہنم کی آگ بھر رہا ہے۔

مذکورہ بالا احادیث سے واضح ہوتا ہے کہ سونے اور چاندی کے برتن میں کھانا  پینا ،  وضو کرنا یا بچے کو گھٹی دینا حرام اورکبیرہ گنا ہے کیونکہ یہ کفار سے مشابہت ہے۔

والله أعلم بالصواب.