الحمد لله، والصلاة والسلام علىٰ رسول الله، أما بعد!

سیدنا ابو ہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

مَنْ ذَرَعَهُ الْقَيْءُ فَلَيْسَ عَلَيْهِ قَضَاءٌ وَمَنْ اسْتَقَاءَ عَمْدًا فَلْيَقْضِ (سنن ترمذي، أبواب الصوم: 720) (صحيح)

جسے قے آجائے اس پر روزے کی قضا لازم نہیں، جو جان بوجھ کر قے کرے اسے روزے کی قضا کرنی چاہئے

مذکورہ بالا حدیث سے معلوم ہوتا ہے کہ اگر کوئی شخص جان بوجھ کر اپنی انگلی منہ میں ڈال کر یا پیٹ کو دبا کر یا کسی دوسرے طریقے سے  جان بوجھ کر قے کرے اس کا روزہ ٹوٹ جائے گا۔ اگر اس کا معدہ خراب ہو اور اسے  قے آ جائے تو روزہ نہیں ٹوٹے گا۔

والله أعلم بالصواب.