خصی جانور کی قربانی کرنا جائز ہے

الحمد لله، والصلاة والسلام علىٰ رسول الله، أما بعد!

سیدنا ابو رافع رضی اللہ عنہ بیان کرتے ہیں:

ضَحَّى رَسُولُ اللَّهِ صَلَّى اللَّهُ عَلَيْهِ وَسَلَّمَ بِكَبْشَيْنِ أَمْلَحَيْنِ مَوْجِيَّيْنِ خَصِيَّيْنِ  (مسند أحمد: 23348، إرواء الغليل: 1147) (صحیح)

رسول اللہ صلی اللہ علیہ وسلم نے دو مینڈھے قربانی کیے جو سفید اور کالے رنگ کے تھے اور خصی تھے۔

1. مندرجہ بالا حدیث مبارکہ سے معلوم ہوتا ہے کہ خصی جانور کی قربانی کرنا جائز ہے ۔

2. ویسے بھی جن عیوب کی بنا پر رسول اللہ صلی اللہ علیہ وسلم نے جانور کی قربانی کرنے سے منع کیا ہے ان میں خصی ہونا نہیں ہے۔

والله أعلم بالصواب.

محدث فتوی کمیٹی