سرچ انجن کی نوعیت:

تلاش کی نوعیت:

تلاش کی جگہ:

(414) رضاعت کے چند مسائل

  • 9891
  • تاریخ اشاعت : 2024-03-29
  • مشاہدات : 1189

سوال

السلام عليكم ورحمة الله وبركاته

ایک شخص نے دو سال کی عمر کے اندر ایک عورت کا پانچ رضعات دودھ پیا ‘ اس عورت کے شوہر کی ایک اور بیوی بھی ہے اور اس کی اس سے بھی اولاد ہے ‘ کیا وہ اولاد بھی اس دودھ پینے والے شخص کے بھائی ہوں گے ؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

اگر اس شخص نے اس عورت کا اس طرح دودھ پیا ہے جس سے حرمت ثابت ہو تی ہے اور وہ یہ کہ دو سال کی عمر کے اندر پانچ رضعات پیے ہوں تو یہ عورت اس کی ماں ‘ اس کا شوہر اس کا باپ اور شوہر کے دوسری بیوی سے بیٹے ‘ اس کے باپ کی طرف سے بھائی ‘ دودھ پلانے والی عورت کے اس شوہر کے علاوہ کسی دوسرے شوہر سے بیٹے اس کی ماں کی طرف سے بھائی ‘ اس عورت کی بہنیں ‘ اس کی خالائیں اور اس کے شوہر کی بہنیں اس کی پھوپھیاں ہوں گی کیونکہ رضاعت کی وجہ سے بھی وہ رشتے حرام ہو جاتے ہیں جو قرابت کی وجہ سے حرام ہیں

ھذا ما عندی واللہ اعلم بالصواب

فتاویٰ اسلامیہ

ج3ص377

محدث فتویٰ

ماخذ:مستند کتب فتاویٰ