کیا دیوبندیوں کے پیچھے نماز ہو جاتی ہے۔؟

الجواب بعون الوهاب بشرط صحة السؤال

بات دیوبندی یا اہل حدیث کی نہیں ہے ،بلکہ ہر شخص کے اپنے ذاتی عقائد کو دیکھ کر حکم لگایا جاتا ہے، چنانچہ کافر یا مشرک امام کی اقتداء میں نماز درست نہیں ہے ،خواہ وہ اپنے آپ کو اہل حدیث ہی کیوں نہ کہلاتا ہو کیونکہ اللہ تعالیٰ کا فرمان ہے ﴿وَبَاطِلٌ مَا کَانُوْا یَعْمَلُوْنَ﴾ ’’جو وہ عمل کرتے ہیں وہ باطل ہیں‘‘اسی طرح ہر وہ شخص جو بدعت مکفرہ کا مرتکب ہو اس کے پیچھے بھی نماز نہیں ہوتی۔لیکن بدعت غیر مکفرہ کے مرتکب اور فاسق و فاجر امام کے پیچھے راجح موقف کے مطابق نماز ہو جاتی ہے۔

فتوی کمیٹی

محدث فتوی