السلام عليكم ورحمة الله وبركاته
میں نے پانچ سال بھی پہلے شادی کی تھی لیکن میری بیوی نے تاحال کسی بچے کو جنم نہیں دیا لہٰذا ہم نے ڈاکٹر کے پاس جانے کافیصلہ کیا تو ڈاکٹر نے میرا معائنہ کیا اور مجھے بالکل تندرست قرار دیا اب میری بیوی کا مسئلہ ہے کیا اگر ڈاکٹر سے معائنہ کرایا جائے تو مجھے گناہ تو نہ ہو گا؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
کسی انتہائی ناگزیر ضرورت کے بغیر مرد کے لئے کسی عورت کے ستر کو دیکھنا جائز نہیں ہے اور یہاں کوئی ایسی ناگزیر ضرورت نہیں ہے کیونکہ اس مقصد کے لئے آپ کو امراض نسواں کی ماہر کوئی عورت مل سکتی ہے اور ایسی عورتیں اندرون و بیرون ملک بہت ہیں۔
ھذا ما عندي والله أعلم بالصواب
