سرچ انجن کی نوعیت:

تلاش کی نوعیت:

تلاش کی جگہ:

احتلام سے حج باطل نہیں ہوتا

  • 8996
  • تاریخ اشاعت : 2024-03-29
  • مشاہدات : 799

سوال

السلام عليكم ورحمة الله وبركاته

میں نے فریضہ حج ادا کیا اور منیٰ میں دوران قیام ایک رات مجھے احتلام ہو گیا لیکن میں غسل نہ کر سکا تو کیا اس صورت میں مجھ پر کچھ لازم ہے؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

جس شخص نے حج یا عمرے کا احرام باندھا اور اسے احتلام ہو جائے تو احتلام اس کے حج اور عمرہ پر اثر انداز نہیں ہوتا یعنی اس سے حج اور عمرہ باطل نہیں ہوتے، لہذا جسے احتلام ہو جائے تو وہ بیدار ہونے کے بعد غسل جنابت کر لے، اگر اس نے کپڑے پر منی کو لگا ہوا دیکھا ہو۔ احتلام کی وجہ سے کوئی فدیہ وغیرہ لازم نہیں ہے کیونکہ یہ اختیار میں نہیں ہے۔

هذا ما عندي والله اعلم بالصواب

فتوی کمیٹی

محدث فتوی

ماخذ:مستند کتب فتاویٰ