السلام عليكم ورحمة الله وبركاته
اس طرح کے الفاظ استعمال کرنے کے بارے میں کیا حکم ہے: ’’اَدَامَ اللّٰهُ اَيَّامَك‘‘؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
یہ بات کہنا: ’’اَدَامَ اللّٰهُ اَيَّامَك‘‘ (اللہ تعالیٰ تمہیں ہمیشہ ہمیشہ کے لیے زندہ رکھے۔) اس دعا میں زیادتی ہے کیونکہ دنیا کی زندگی میں دوام اور ہمیشگی محال ہے یہ حسب ذیل ارشاد باری تعالیٰ کے منافی ہے:
﴿كُلُّ مَن عَلَيها فانٍ ﴿٢٦﴾ وَيَبقى وَجهُ رَبِّكَ ذُو الجَلـلِ وَالإِكرامِ ﴿٢٧﴾... سورة الرحمان
’’جو (مخلوق) زمین پر ہے، سب کو فنا ہونا ہے اور تمہارے پروردگار، جو صاحب جلال وعظمت ہے، کا چہرہ باقی رہے گا۔‘‘
اور فرمایا:
﴿وَما جَعَلنا لِبَشَرٍ مِن قَبلِكَ الخُلدَ أَفَإِي۟ن مِتَّ فَهُمُ الخـلِدونَ ﴿٣٤﴾... سورة الأنبياء
’’اور (اے پیغمبر!) ہم نے تم سے پہلے کسی آدمی کو بقائے دوام نہیں بخشا۔ بھلا اگر تم مر جاؤ تو کیا یہ لوگ ہمیشہ رہیں گے؟‘‘
ھذا ما عندي والله أعلم بالصواب
