میں نماز مغرب کی امامت کروا رہا تھا۔جس میں،میں نے سورۂ آل عمران کی تلاوت کی ،تلاوت میں ایک مقام جوکہ اس طرح ہے ’’اولئک ھم المفلحون‘‘ کی جگہ میں نے ’’اولئک ھم المھتدون‘‘ پڑھ دیا۔پوچھنا یہ ہے کہ آیا یہ نماز ہو گئی ہے یا نہیں۔

الجواب بعون الوهاب بشرط صحة السؤال

نماز میں قراءت کی غلطی دو طرح کی ہوتی ہے ۔اگر تو آپ سورۃ الفاتحہ میں بھولے ہیں تو اس کی اصلاح ضروری ہے ،ورنہ آپ کی وہ رکعت نہیں ہو گی اور آپ کو وہ رکعت دوبارہ پڑھنا پڑے گی،کیونکہ سورۃ الفاتحہ ہر رکعت کا رکن ہے۔اور اگر وہ غلطی سورۃ الفاتحہ کے علاوہ ہو تو اس سے نماز پر کوئی فرق نہیں پڑتا،کیونکہ فاتحہ کے علاوہ باقی قراءت مستحب ہے۔لیکن اگر ممکن ہو تو اس کی فوری اصلاح کر لینی چاہئے۔

فتاوی بن باز رحمہ اللہ

جلددوم