سرچ انجن کی نوعیت:

تلاش کی نوعیت:

تلاش کی جگہ:

(109) نماز میں کھڑے ہونے اور ہاتھ باندھنےکا طریقہ

  • 791
  • تاریخ اشاعت : 2024-03-29
  • مشاہدات : 1426

سوال


السلام عليكم ورحمة الله وبركاته

نماز میں کیسے کھڑا ہونا چاہیے اور ہاتھ کہاں اور کس طرح باندھے جائیں۔؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد! 

نماز کے لیے قبلہ رو اس طرح کھڑا ہو کہ پاؤں اور کندھوں کا فاصلہ برابر ہوتاکہ اگر دوسرے کے ساتھ ملے تو نیچے اوپر سے سارامل سکے۔ اور نظر پاؤں کی جگہ رہے تو بہتر ہے۔ اگر پاؤں سے ہٹ جائے تو سجدہ کی جگہ سے آگے نہیں برھنی چاہیے۔ اپنے دل کوپورا خدا کی طرف متوجہ کرے۔ اور اللہ اکبر کہہ کر نماز کی نیت باندھے اور انگلیوں کو کشادہ رکھ کر ہتھیلیوں کو قبلہ رخ کرکے کانوں تک یا کندھوں تک دونوں ہاتھ اٹھائے پھر بایاں ہاتھ نیچے اور دایاں اوپر سینہ پر رکھے۔ اور اس کے بعد ثناء یا دعا پڑھے۔

وباللہ التوفیق

فتاویٰ اہلحدیث

کتاب الصلوۃ،نمازکی کیفیت کا بیان، ج2 ص120 

محدث فتویٰ


ماخذ:مستند کتب فتاویٰ