کیا اللہ تعالی کے لئے لفظ خدا استعمال کرنا جائز ہے۔؟

الجواب بعون الوهاب بشرط صحة السؤال

مستحسن بات تویہی ہے کہ لفظ اللہ ہی استعمال کیا جائے، لیکن لفظ خدا کا استعمال بھی جائز ہے۔ کیونکہ صدیوں سے اسلاف یہ لفظ استعمال کرتے آ رہے ہیں اور اس پر کسی نے نکیر نہیں کی۔یہ لفظ ذات باری تعالی پر اتنی واضح دلالت کرتا ہے کہ بعض مترجمین نے لفظ اللہ کا ترجمہ ہی خدا کیا ہے ،حالانکہ یہ اس کا ترجمہ نہیں ہے،یہ لفظ فارسی زبان میں رب کے معنی میں آتا ہے ،اور لوگوں کے ہاں بہت معروف ہے۔

سعودی عرب کی لجنہ دائمہ سے اللہ کے لئے لفظ خدا کے استعمال کے حوالے سے سوال کیا گیا تو اس نے جواب دیا:

عربی نہ جاننے والوں کے لئے اللہ تعالی کے ناموں کا دیگر زبانوں میں ترجمہ کرنا جائز ہے،بشرطیکہ مترجم دونوں زبانوں کا ماہر ہو،جیسا کہ فہم دین کے لئے آیات قرآنیہ اور احادیث نبویہ کا ترجمہ کرنا جائز ہے۔

فتاوی بن باز رحمہ اللہ

جلداول