جب محرم عورت کے غیر اختیاری طورپر سرکے بال گریں تواس کے بارے میں کیا حکم ہے ؟
جب محرم ۔۔۔خواہ مردہویا عورت۔۔۔کے سر سے وضوکے وقت مسح کرتے ہوئے یا سرکو دھوتے ہوئے بال گرجائیں تو اس میں کوئی حرج نہیں اس طرح اگرمرد کی داڑھی یامونچھ سےبال گرجائیں یا از خود کوئی ناخن ٹوٹ جائے تواس میں بھی کوئی حرج نہیں کیونکہ اس نے عمدا ایسا نہیں کیا اورممنوع یہ بات ہے کہ کوئی محرم ازخود بال ناخن کاٹے ،اسی طرح عورت کے لئے بھی یہ لازم ہے کہ وہ ازخود کچھ نہ کاٹے اوراگرغیر اختیار ی طورپر بال گرجائیں تووہ مردہ بال ہوتے ہیں جو حرکت کرنے سے گرجاتے ہیں لہذا ان کا گرجانا محرم کے لئے نقصان دہ نہیں ہے۔
