میں تشہد میں انگشت شہادت کوحرکت دینےکےسلسلہ میں لوگوں کودیکھتاہوں کہ بعض نمازی انگلی کو دائیں بائیں حرکت دیتےہیں اوربعض اوپرنیچےکی طرف،بعض لوگوں کی حرکت تیز ہوتی ہےاوربعض کی سست،جبکہ بعض نماز انگلی کوصرف اٹھائےرکھتےہیں اورحرکت نہیں دیتےجب کہ بعض اپنی انگلی کوبالکل اٹھاتےہی نہیں توان میں سےمسنون طریقہ کون ساہے؟
سنت یہ ہےکہ نمازی حالت تشہد میں اپنی تمام انگلیوں کوبند کرے،یعنی دائیں ہاتھ کی انگلیوں کو انگشت شہادت کےساتھ اشارہ کرےاوراللہ کےذکراوردعاکےوقت اسےاشارۂ توحید کے لئے آہستہ سےحرکت دےاوراگر چاہےتوچھنگلیااوردرمیانی انگلی کےبیچ کی انگلیوں کوبندکرےاورانگوٹھےکا درمیانی انگلی کےساتھ حلقہ بنائےاورانگشت شہادت کےساتھ اشارہ کرے۔یہ دونوں حالتیں نبی کریمﷺسےثابت ہیں اوربائیں ہاتھ کوبائیں ران پراس طرح رکھ لیاجائےکہ انگلیاں کھلی ہوئی اورقبلہ رخ ہوں اوراگرچاہےتوبائیں ہاتھ کوبائیں گھٹنےپررکھ لے،یہ دونوں حالتیں بھی صحیح حدیث میں نبی اکرمﷺسےثابت ہیں۔
