طواف وسعی کے دوران دو یا ان سے زیادہ لوگوں کا آپس میں علمی بحث و مباحثہ کرنا کیسا ہے؟
طواف و سعی کے دوران علمی بحث ومباحثہ میں کوئی حرج نہیں ہے اس سے طواف وسعی باطل نہیں ہوتا لیکن بہتر یہی ہے کہ ذکر و اذکار میں مشغول رہے کیونکہ سعی وطواف (چند منٹ میں) پورا ہو جائے گا اور بحث و مباحثہ کے لیے دوسرے اوقات بھی ہیں۔ البتہ طواف وسعی کے دوران کسی سوال کا مختصر سا جواب دینے میں کوئی مضائقہ نہیں ہے کیونکہ اس سے کوئی چیز فوت نہ ہو گی۔ بشرطیکہ سوال کرنے والے زیادہ نہ ہوں اور ہم تو یہ کہتے ہیں کہ اگر کوئی حالت طواف میں سوال کرے تو یہ کہہ دینا چاہئے کہ بھائی تھوڑا سا انتظار کرو کہ میں طواف سے فارغ ہو لوں۔ تا کہ وہ ذکر و اذکار کے لیے اپنے کو فارغ کر لے۔
