السلام عليكم ورحمة الله وبركاته
ایک دوکاندار ایک زانیہ بازاری عورت سے اس کی گائے کا دودھ خرید کر فروخت کرتا ہے زانیہ نے حرام کی کمائی سے وہ گائے خریدی ہے اور اس گائے کی پرورش بھی حرام طریقے سے کرتی ہے کیا دوکاندار سے ایسا دودھ خرید کر پینا جائز ہے ؟ اور کیا دوکاندار کی آمدنی حلال ہے؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
زانیہ سے ایسی چیز کی بیع کرنی جو کسب زنا سے حاصل کی ہو جائز نہیں ہے مگر اس دودھ فروش سے خریدنے والا شائد اس حکم میں شامل نہ ہو ،
خریدار اگر بے خبر ہے تو مضائقہ نہیں ،اور اگر اس سے خبر دار اور واقف ہے تو خرید نا جائز نہیں، کہ مال حرام سے ہے،
(ابو سعید شرف الدین دھلوی )
ھذا ما عندي والله أعلم بالصواب
ماخذ:مستند کتب فتاویٰ
