السلام عليكم ورحمة الله وبركاته
یہاں دو حضرات آپس میں اس بات پر جھگڑتے ہیں ایک کہتا ہے کہ انسان کی عمر بڑھتی بھی ہے اور گھٹتی بھی ہے۔ ایک کادعویٰ ہے کہ خداوندجل شانہ نے ہر ایک انسان کی عمرروز اول سے جو مقرر کی ہے۔ وہ گھٹتی بھی نہین اور بڑھتی بھی نہیں۔ اس کے بعد قسمت کے بارے میں بھی جھگڑتے ہیں۔ یعنی نفع نقصانکامطلب یہ نکالتے ہیں۔ کہ تقدیر کے سامنے تدبیرچلتی ہے۔ کیا وہ شخص کہ جو عمر کے گھٹنے بڑھتے کا دعویٰ کرتا ہے۔ وہ اپنے دعوے میں سچا ہے یا انکار کرنے والاسچا ہے۔ ؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
قرآن مجید میں ہے۔
لِكُلِّ أَجَلٍ كِتَابٌ ﴿٣٨﴾ يَمْحُو اللَّـهُ مَا يَشَاءُ وَيُثْبِتُ ۖ وَعِندَهُ أُمُّ الْكِتَابِ﴿٣٩﴾سورة الرعد ’’یعنی ہر ایک چیز ک لئے وقت مقرر ہے۔ اللہ جوچاہتا ہے مٹادیتا ہے۔ اور جو چاہتا ہے ثابت رکھتا ہے۔ ‘‘اس آیت کو اس مطلب کےلئے علماء نے پیش کیا ہے۔ خدا کی معلق تقدیر ان اسباب کے ساتھ جو اس کے لئے مقرر ہیں۔ خدا کے حکم سے ہی تبدیل ہوجاتی ہے۔ چنانچہ حدیث میں آتا ہے کہ صلہ رحمی کرنے سے عمر بڑھتی ہے۔ وغیرہ اس لئےاس میں کچھ اختلاف نہیں اللہ کی معلق کی ہوئی تقدیراللہ کے ہی مقرر کردہ اسباب سےاسی کی حسب منشا ء متغیر ہوسکتی ہے
وَيَفْعَلُ اللَّـهُ مَا يَشَاءُ ﴿٢٧﴾ ۔سورة ابراهيم
ھذا ما عندي والله أعلم بالصواب
ماخذ:مستند کتب فتاویٰ
