السلام عليكم ورحمة الله وبركاته
آپ ﷺ کو معراج شریف خواب میں ہوئی یا کہ بیداری میں ۔ ۔ ؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
احادیث سے تو یہی ثابت ہوتا ہے۔ کہ معراج بیداری میں ہوئی بعض صحابہ رضوان اللہ عنہم اجمعین خوابی حالت کے قائل ہیں۔
جناب نبی کریمﷺ کو معراج لجسد عنصری ہوا۔ یہی صحیح ہے۔ باقی بالکل غلط ہے۔ کسے باشد۔
''آیت شریفہ سُبْحَانَ الَّذِي أَسْرَىٰ بِعَبْدِهِ﴿١﴾ سورة الإسراء کے زیل میں تفسیر ثنائی کا مطالعہ کیجئے۔ جہاں حضرت مولانا ثناء اللہ مرحوم نے معراج جسمانی کو مدلل طور پرثابت کرتے ہوئے۔ جملہ شکوک وشبہات کا بہترین طور پر ازالہ فرمایا ہے۔
ھذا ما عندي والله أعلم بالصواب
