شب ستائیسویں رمضان المبارک میں روشنی کثرت سے کرتے ہیں ، چراغاں بہت روشن کرتے ہیں،پس اس شب میں روشنی کرنے کا کیا حکم شرع شریف میں ہے۔
روشنی کثرت سے کرنا مسجد میں یاغیرمسجد میں خواہ شب ستائیسویں رمضان المبارک ہو، خواہ کوئی اور شب ہو،نا جائز ہے، کیونکہ اسراف میں داخل ہے اور تشبہ ساتھ قوم برامکہ کے ہے جیسا کہ فقیہ طرطوسی نے نفع المسائل میں اور ملا علی قاری نے شرح مشکوۃ میں اور شیخ عبدالحق محدث نے ماثبت بالسنۃ میں لکھا ہے اور حموی نے شرح اشباہ و نظائر میں خوب وضاحت کے ساتھ بیان کیا ہے ، واللہ تعالیٰ اعلم بالصواب۔
حررہ سید شریف حسین عفی عفہ (سید محمد نذیر حسین)
