سرچ انجن کی نوعیت:

تلاش کی نوعیت:

تلاش کی جگہ:

(891) زید کسی بزرگ کی قبر پر جاکر یہ التجا کرتا ہے

  • 5494
  • تاریخ اشاعت : 2024-03-29
  • مشاہدات : 1277

سوال

السلام عليكم ورحمة الله وبركاته

زید کسی بزرگ کی قبر پر جاکر یہ التجا کرتا ہے کہ  یا حضرت آپ رب کریم سے دعا فرما دیں گے، رب العالمین مجھ کو اولاد عطا فرمائے گا، یہ امر جائز ہے یا نہیں؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!

کسی قبر پر جاکر یہ التجا کرنا جائز نہیں، اس واسطے کہ یہ کسی دلیل شرعی سے ثابت نہیں، علاوہ بریں یہ التجا اس بنا پر ہے کہ زندوں کی التجا مردے سنتے ہیں اور قبر میں  ان کی التجا پر دعا کرتے ہیں اور ان کی دعا قبول ہوتی ہے، حالانکہ یہ باتیں کسی دلیل صحیح سے ثابت نہیں، پس یہ التجا کیونکر جائز ہوسکتی ہے۔ واللہ تعالیٰ اعلم بالصواب۔                                                      سید محمد نذیر حسین


قرآن وحدیث کی روشنی میں احکام ومسائل

جلد 02

ماخذ:مستند کتب فتاویٰ