السلام عليكم ورحمة الله وبركاته
السُنَنُ الْمَہْجُوْرَۃُ (وہ سنتیں جو چھوڑ دی گئی ہیں) کون کون سی ہیں اور ان کے دلائل بھی بتا دیں؟
محمد یوسف ضیاء مدینہ منورہ
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
’’سنن مہجورہ‘‘ ہیں تو بہت زیادہ مگر جس انداز سے آپ پوچھ رہے ہیں انہیں اس انداز میں لکھنے کے لیے کافی وقت درکار ہے لیکن بوجہ مصروفیت اتنا وقت نکالنا مشکل ہے اس لیے نیچے چند ایک سنن مہجورہ کے ذکر پر اکتفا کرتا ہوں۔
(۱) ’’اَلْمَسْحُ عَلَی النَّعْلَیْنِ‘‘ [جوتوں پر مسح]1
(۲) ’’زِیَادَۃ ’’وَبَرَکَاتُہُ‘‘ فِیْ تَسْلِیْمِ الصَّلاَۃِ‘‘ [نماز سے سلام پھیرتے ہوئے وبرکاتہ کا اضافہ]2
(۳) ’’جَعْلُ الْقَدَمِ الْیُسْرٰی بَیْنَ الْفَخِذِ وَالسَّاقِ فِی جُلُوْسِ الصَّلاَۃِ‘‘ [نماز میں بیٹھنے کے دوران بائیں پائوں کو ران اورپنڈلی کے درمیان کرنا] 3 ۔ (۴) ’’اَلصَّلاَۃُ حَالَ الْاِنْتِعَالِ‘‘ [جوتا پہن کر نماز پڑھنا]4 (۵)’’اَلنَّہْیُ عَنِ الْاِنْتِعَالِ قَائِمًا‘‘ [کھڑے ہو کر جوتا پہننا منع ہے]5
ھذا ما عندي والله أعلم بالصواب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1(ترمذی ، ابوداود ، شرح معانی الآثار ، ملحق الشیخ الالبانی حفظہ اﷲ تعالی بآخر رسالۃ المسح علی الجوربین للقاسمی ۔ رحمہ اﷲ تعالی2ابوداود ، ارواء الغلیل3صحیح مسلم باب صفة الجلوس فی الصلاۃ 4ابوداود وغیرہ5ابن ماجہ کتاب اللباس باب الانتعال قائما)
ماخذ:مستند کتب فتاویٰ
