سرچ انجن کی نوعیت:

تلاش کی نوعیت:

تلاش کی جگہ:

(865) بشیر رزاق کی بجائے بشیر عبدالرزاق نام

  • 5432
  • تاریخ اشاعت : 2024-03-29
  • مشاہدات : 1026

سوال

السلام عليكم ورحمة الله وبركاته

حافظ صاحب نام کے متعلق آپ نے لکھا کہ بشیر رزاق کی بجائے بشیر عبدالرزاق لکھا اور کہلوایا کرو اس سلسلہ میں وضاحت طلب ہے ۔ دوسرا یہ کہ سکول کے سر  ٹیفکیٹ سے لے کر    شناختی کارڈ تک یہی نام چلا آ رہا ہے اس کا کوئی حل ضرور بتائیں تاکہ نام کی غلطی دور ہو سکے ۔ ان شاء اللہ آج کے بعد میرا نام بشیر عبدالرزاق ہی ہو گا ۔

                                                                                      بشیر عبدالرزاق خانیوال


الجواب بعون الوهاب بشرط صحة السؤال

وعلیکم السلام ورحمة اللہ وبرکاته

الحمد لله، والصلاة والسلام علىٰ رسول الله، أما بعد!

جہاں تک میں سمجھا ہوں آپ کے والد گرامی کا اسم گرامی ہے عبدالرزاق جس لیے آپ لکھتے ، لکھواتے اور کہتے کہلواتے ہیں بشیر رزاق مقصد ہے آپ کا بشیر بن عبدالرزاق ۔ تو ماشاء اللہ آپ دانا ہیں غور فرمائیں آپ کے والد صاحب کا نام عبدالرزاق ہے رزاق تو نہیں رزاق تو اللہ تعالیٰ کا نام ہے {إِنَّ اﷲَ ہُوَ الرَّزَّاقُ ذُوْالْقُوَّۃِ الْمَتِیْنُ} آپ عبدالرزاق کے بیٹے ہیں رزاق کے بیٹے تو نہیں بلکہ {إِنَّ اﷲَ ہُوَ الرَّزَّاقُ لَمْ یَلِدْ وَلَمْ یُوْلَدْ وَلَمْ یَکُنْ لَّہُ کُفُواً أَحَدٌ}۔ رہا دستاویزات والا مسئلہ تو اس میں کسی وکیل سے مشورہ کر لیں۔       

    ھذا ما عندي والله أعلم بالصواب

 

قرآن وحدیث کی روشنی میں احکام ومسائل

جلد 01 ص 545

محدث فتویٰ

ماخذ:مستند کتب فتاویٰ