نبی اکرم صلی الله علیہ وسلم نے جب آخری نماز پڑھائی تو کون سی رکعت میں اور کس رُکن میں شامل ہوئے تھے؟
(محمد بشیر ، بورے پیارے)
احادیث سے پتہ چلتا ہے کہ آپ صلی الله علیہ وسلم اس نماز میں پہلی رکعت کے قیام ہی میں شامل ہو گئے تھے۔
[ہفتہ یا اتوار کے روز نبی کریم صلی الله علیہ وسلم نے بیماری میں کمی محسوس کی تو آپ نمازِ ظہر کے لیے دو آدمیوں کے سہارے پر نکلے اور ابو بکر رضی اللہ عنہ لوگوں کو نماز پڑھا رہے تھے جب ابو بکر رضی اللہ عنہ نے آپ صلی الله علیہ وسلم کو دیکھا تو پیچھے ہٹنا شروع کیا ، تو آپ صلی الله علیہ وسلم نے فرمایا : پیچھے نہ جاؤ اور آپ صلی الله علیہ وسلم نے فرمایا: مجھے ابو بکر کے پہلو میں بٹھا دو ،پس انہوں نے آپ صلی الله علیہ وسلم کو ابو بکر رضی اللہ عنہ کے بائیں طرف بٹھا دیا۔ ابو بکر رضی اللہ عنہ رسول اللہ صلی الله علیہ وسلم کی اقتدا کرتے اور لوگوں کو تکبیر سُناتے۔1] ۲۵؍۱۰؍۱۴۲۳ھ
