السلام عليكم ورحمة الله وبركاته
سفر کی مسافت کم از کم کتنی ہے جس میں نماز قصر کی جاسکے؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
کم از کم مسافت تین فرسخ ہے، عون المعبود شرح ابی داؤد ص ۴۴۶ سبل السلام ص ۱۵۵ زاد المعاد ص ۱۳۴۔ اگرچہ ائمہ نے اس مسئلہ پر خوب بحث کی ہے۔ اور اختلاف بھی کیا ہے۔ مگر محدثین رحمہ اللہ کے نزدیک ۹ میل کی روایت صحیح ہے جس پر نماز قصر کی جاسکتی ہے۔
(اہل حدیث سوہدرہ جلد ۶، ش ۲۹)