اگر کسی قبر میں مردہ کی ہڈی پائی جائے تو کیا کرے؟
ایسی جگہ دفن کرنا منع نہیں، ہڈی نکال کر مردہ دفن کر دیں۔
… مسلم مردہ کی ہڈی کا احترام لازم ہے۔ حدیث نبوی ﷺ ہے:
((کسر عظیم المیّت ککسرہ حیًا رواہ ابو داؤد باساند علی شرط مسلم وزاد ابنن ماجۃ من حدیث ام سلمۃ فی الاثم بلوغ المرام))
لہٰذا مسلم کی ہڈیوں کو یوں ہی رہنے دیا جائے اور دوسری قبر بنا کر مردہ کو دفن کر دیں۔ ابو سعید شرف الدین دہلوی۔
… تمام ہڈیوں کو احتیاط سے جمع کیا جائے اور قبر کو تیار اور صاف کر کے میت کو اس میں دفن کیا جائے اور ہڈیوں کو ایک طرف رکھا جائے تو اس میں کوئی ہرج کی بات نہیں۔ جیسا کہ آج کل عرب میں ہو رہا ہے کہ کچھ مدت کے بعد ہڈیوں کو ایک طرف کیا جاتا ہے۔ (سعیدی)
