اگر جنازہ کی پوری نماز نہ ملے، یعنی ایک تکبیر ملی اور شروع کی دو تین تکبیریں چھوت گئیں تو جنازہ کی نماز کس طرح پوری کرے۔
جس طرح امام کے ساتھ چھوٹی ہوئی نمازوں کو سلام پھیرنے کے بعد پوری کرتے ہیں، کیونکہ رسول اللہ ﷺ نے فرمایا: ((مَا اَدْرَکْتُمْ فَصَلُّوْا وَمَا فَاتَکُمْ فاتموا)) (مشکوٰۃ) ’’امام کے ساتھ جو پائو، ان کو پڑھ لو، اور جو چھوٹ جائے، اس کو بعد میں ادا کر لو۔‘‘
یہ حکم سب نمازوں کے لیے ہے، اس میں جنازہ کی نماز بھی شامل ہے، مؤطا مالک میں ہے، کہ امام مالک نے امام زہری سے پوچھا کہ اگر کوئی شخص جنازہ کی نماز کی بعض تکبیروں کو پائے، اور بعض کو نہ پائے، تو کیا کرے، تو زہری نے یہ جواب دیا کہ فوت شدہ تکبروں کے بعد میں ادا کرے۔
(الاعتصام جلد نمبر ۲۱ ش نمبر ۲، ۳) (شیخ الحدیث مولانا عبد السلام بستوی دہلوی رحمۃ اللہ)
ماخذ:مستند کتب فتاویٰ
