السلام عليكم ورحمة الله وبركاته
رمضان المبارک میں اعتکاف اگر ایک ہی شخص محلے کا کرے تو کیا سب کی طرف سے کافی ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
حنفیہ کے نزدیک اعتکاف سنت کفایہ ہے، ان کے نزدیک تو ایک کا بیٹھنا سب سے کفایت کرتا ہے، مگرا س دعوے کی دلیل میرے ناقص علم میں نہیں، اس لیے اس کو عین سنت جانتا ہوں۔ آنحضرت ﷺ کی ساری بیویاں معہ آنحضرت ﷺ کے اعتکاف بیٹھتی تھیں۔ گو آپ ﷺ نے ان کو اٹھا دیا تھا۔ مگر اس کی وجہ کچھ اور تھی۔ (۲۳ ربیع الثانی ۳۸ ھ) (فتاویٰ ثنائیہ جلد ۱ ص ۴۱۳)
ھذا ما عندي والله أعلم بالصواب
