نظموں میں ’’یاطیبہ‘یامکہ‘اور لبیک رسول اللہ کے الفاظ

سوال: السلام علیکم میں نے ایک عربی نشید میں یہ الفاظ سنے ہیں "لبیک لبیک رسول اللہ"آپ بتائیے کہ یہ الفاظ کہنا کیسا ہے؟ اور عربی نشید بھی ہیں جس میں "یا طیبہ یا طیبہ" اور "یا مکہ یا مکہ" کے لفظ آئے ہیں۔ان اناشید کو سننا کیسا ہے؟

جواب: لبیک رسول اللہ کے الفاظ کہنے میں تو کوئی حرج نہیں ہے باقی میں نے یہ مکمل نظم نہیں سنی ہے لہذا اس کے بارے کوئی تبصرہ نہیں کر رہا ہوں۔
جہاں تک یا مکہ والی نظم ہے تو وہ میں نے سنی ہے اور بارے کسی عالم دین کا اعتراض سننے، دیکھنے میں نہیں آیا ہے۔
یا طیبہ کی نظم کے بارے اہل علم کا اختلاف ہے۔ بعض اسے شرک قرار دے رہے ہیں جبکہ بعض کہہ رہے ہیں کہ اس میں مبالغہ تو ہے لیکن شرک نہیں ہے۔