السلام عليكم ورحمة الله وبركاته
ایک شخص عشر ادا کرتا ہے، یہ تو معلوم ہے کہ بارانی زمین سے دسواں حصہ اور چاہی زمین سے۲۰ واں ادا کرتا ہے، مگر سوال یہ ہے کہ جس فصل میں عشر ادا کرنا ہے کیا اس کا کوئی نصاب بھی ہے یا جتنی جنس ہو اتنی میں سے ہی ادا کرے، اور کیا سبزی چارہ وغیرہ بھی اس میں شامل ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
عشر کی ادائیگی کے لیے حدیث شریف میں پانچ وسق تک نصاب مقرر ہے، اس سے کم غلہ ہو تو عشر نہیں۔ ترمذی شریف میں ابو سعید خدری رضی اللہ تعالیٰ عنہ سے روایت ہے کہ رسول اللہﷺ فرماتے ہیں: ((لیس فیما دون خمسة او سق))’’اور ایک وسق ساٹھ صاع کا ہوتا ہے۔پانچ وسق کے تین سو صاع ہوتے ہیں۔‘‘ فتاویٰ ثنائیہ میں اکیس من ساڑھے سینتیس سیر (۲۱ من ۲۷۰ سیر ۸ چھ) نصاب کا وزن لکھا ہے۔ واللہ اعلم۔ سبزیوں اور چارہ جات میں کوئی عشر نہیں۔ (الاعتصام جلد ۱۹ شمارہ ۲۸)
ھذا ما عندي والله أعلم بالصواب
ماخذ:مستند کتب فتاویٰ
