سلسلہ احادیث الصحیحہ اور صحیح الجامع الصغیر کی صحت

کیا سلسلہ احادیث الصحیحہ اور صحیح الجامع الصغیر میں تمام احادیث صحیح ہیں؟ جزاكم الله خيرا

سلسۃ الاحادیث الصحیحۃ اور صحیح الجامع الصغیر حسان وصحاح احادیث کا عظیم مجموعہ ہے اور یہ دونوں کتب علامہ البانی مرحوم رحمہ اللہ کی محنت شاقہ کا ثمر اوراحایث کی تحقیق وتخریج کا حسین مرقع ہیں۔ان کتب میں اغلب احایث حسن یا صحیح درجہ ہی کی ہیں ۔البتہ کچھ روایات کمزور ضعیف بھی ہیں،چنانچہ ان میں سے بعض روایات کی صحت سےعلامہ موصوف رحمہ اللہ  کااپنا رجوع بھی ثابت ہے،جس کی وضاحت تراجعات البانی میں دیکھی جاسکتی ہے اور کچھ روایات پر دیگر محققین کے تحفظات ہیں۔ المختصر ان کتب  میں ضعیف روایات کا وجود نہایت کم ہے اور حسن وصحیح روایات کی بہتات ہے،اس لیے مجموعی اعتبار سے یہ دونوں کتب نہایت مفید اورذخیرہ احادیث میں بیش قیمت اضافہ ہیں۔

فتویٰ کمیٹی