السلام عليكم ورحمة الله وبركاته
امام بخاری رحمہ اللہ ،علامہ وحید الزمان اور بعض علماء دونوں ہاتھوں سے مصافحہ کرنے کے قائل ہیں۔ میں نے دوسرے اہل حدیث علماء اور آپ کے فتاویٰ میں ایک ہاتھ سے مصافحہ مسنون ہونا پڑھا ہے۔ دونوں ہاتھوں سے مصافحہ کرنے کی شرعی حیثیت کیا ہے؟(سائل: محمد علی شاہ، لاہور) ۳۱ مئی ۲۰۰۲ء)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
دونوں ہاتھوں سے مصافحہ کے لیے امام بخاری رحمہ اللہ کا استدلال ابن مسعود کی حدیث سے ہے ، جس میں یہ ہے کہ تشہد کی تعلیم کے وقت میرا ہاتھ آپﷺ کے دونوں ہاتھوں میں تھا، لیکن اس میں مصافحہ کاذکر ہی نہیں بلکہ یہ ہاتھوں کو پکڑنا تعلیم کے مزید اہتمام کی بناء پر ہے۔ جب کہ واضح منصوص احادیث میں صرف ایک ہاتھ سے مصافحے کا ذکر ہے۔ تفصیل کے لیے ملاحظہ ہو: (تحفۃ الاحوذی، طبع مصر:۵۲۲/۷)
ھذا ما عندي والله أعلم بالصواب
