السلام عليكم ورحمة الله وبركاته
ایک شخص عقیقے میں بجائے بکری یا بکرے کے گائے یا اونٹ ذبح کردیتا ہے۔ کیا یہ عقیقہ ہو جائے گا؟ بعض علمائے کرام کا خیال ہے کہ عقیقہ صرف بکرے اور چھترے ہی سے ادا ہو سکتا ہے،ا گر ان کے علاوہ کسی اور جانور سے کیا جائے تو وہ عام صدقہ ہو گا، عقیقہ ہر گز نہیں ہو سکتا۔ اس لیے کہ گائے اونٹ وغیرہ سے عقیقہ کرنا قرآن و سنت میں ثابت نہیں۔ (محمد یامین خان سلفی۔ گوجراں والا) (۱۲ جولائی ۲۰۰۲ء)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اونٹ اور گائے سے عقیقے کی کوئی روایت ثابت نہیں۔ لہٰذا صرف بکری یا بکرے پر اکتفا کرنی چاہیے۔ اگر کسی نے لاعلمی میں ایسا کیا ہے تو وہ اجر و ثواب سے محروم نہیں رہے گا۔ ان شاء اللہ
ھذا ما عندي والله أعلم بالصواب
ماخذ:مستند کتب فتاویٰ
