السلام عليكم ورحمة الله وبركاته
کھال کا مصرف کیا ہے ؟ ذاتی استعمال کے لیے کھال رکھ سکتا ہے ؟ا ور کیا قصائی کو اجرت میں کھال دی جاسکتی ہے۔(ابوطاہر نذیر احمد، عبدالرشید۔کراچی) (۲۳ فروری ۲۰۰۱ء)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
ذبح کرنے والے قصاب کی مزدوری قربانی کے گوشت سے یا کھال کے ذریعے دینی جائز نہیں۔ (صحیح البخاری،رقم:۱۷۱۷، صحیح مسلم،بَابٌ فِی الصَّدَقَةِ بِلُحُومِ الْهَدْیِ وَجُلُودِهَا وَجِلَالِهَا،رقم:۱۳۱۷)البتہ اپنے استعمال یعنی مصلّٰی وغیرہ بنانے کے لیے رکھ سکتا ہے۔
ھذا ما عندي والله أعلم بالصواب
ماخذ:مستند کتب فتاویٰ
