السلام عليكم ورحمة الله وبركاته
میت کو قبر میں دفن کرنے کے بعد قبر پر ’’سورہ بقرہ ‘‘کے ابتدائی اور آخری رکوع کی تلاوت کرنا اور اسمائے الٰہی پڑھنا کیسا ہے ؟ کیا میت کی بخشش کے لیے اس موقع پر جنازے والی دعائیں پڑھی جا سکتی ہیں؟(محمد یحییٰ عزیز۔قصور) (۴ مئی ۲۰۰۰ء)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
قبر پر کھڑے ہو کر ’’سورہ بقرہ‘‘ کی آیات کی تلاوت والی حدیث امام بیہقی رحمہ اللہ نے’’شعب الایمان‘‘ میں ذکر کی ہے لیکن اُسے ضعیف قرار دیا ہے۔ اور کہا ہے کہ درست بات یہ ہے کہ یہ ابن عمر رضی اللہ عنہما کا قول ہے۔ اسمائے الٰہی کا وِرد بھی ثابت نہیں۔ البتہ دعاء کرنا جزء رفع الیدین و نسائی وغیرہ میں ثابت ہے اور دعائیں جونسی چاہے پڑھے لے۔
ھذا ما عندي والله أعلم بالصواب
ماخذ:مستند کتب فتاویٰ
