السلام عليكم ورحمة الله وبركاته
عید قربان کی تکبیرات کے شروع اور ختم ہونے کا وقت کونسا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اس بارے کوئی مرفوع متصل روایت نہیں ہے۔ البتہ آثارِ صحابہ حضرت علی اور ابن مسعود رضی اللہ عنہما وغیرہ سے ثابت ہے، کہ تکبیرات یوم عرفہ، یعنی نوذوالحجہ کی صبح سے لے کر ۱۳ ذوالحجہ تک ہیں۔ (فتح الباري ۴۶۲/۲) یہی بات ابن عباس رضی اللہ عنہما سے بھی ’’ابن ابی شیبہ‘‘ وغیرہ میں ثابت ہے۔
ھذا ما عندي والله أعلم بالصواب