السلام عليكم ورحمة الله وبركاته
دو آدمی جماعت کے ساتھ نماز ادا کریں تو کیا امام ساتھ والے سے ایک قدم آگے کھڑا ہو یا کہ بالکل برابر ٹخنے کے ساتھ ٹخنہ ملا کر کھڑا ہو ؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اس حالت میں مقتدی اور امام دونوں ٹخنے ملا کر برابر کھڑے ہوں۔ تقدیم و تاخیر کا کوئی ثبوت نہیں۔ امام بخاری رحمہ اللہ نے اپنی ’’صحیح‘‘ میں ابن عباس رضی اللہ عنہما کی روایت ’ بِتُّ فِی بَیتِ خَالَتِی مَیمُونَة‘ پر یوں تبویب قائم کی ہے:’ بَابُ یَقُومُ عَن یَمِینِ الاِمَامِ بِحِذَائِهٖ سِوَاءً اِذَا کَانَا اثنَینِ ‘
ھذا ما عندي والله أعلم بالصواب