سرچ انجن کی نوعیت:

تلاش کی نوعیت:

تلاش کی جگہ:

(306) نمازی کے آگے سے گزرنے کا فاصلہ

  • 24316
  • تاریخ اشاعت : 2024-03-29
  • مشاہدات : 567

سوال

السلام عليكم ورحمة الله وبركاته

بعض لوگ نمازی کے آگے سے دو یا تین صفوں کا فاصلہ چھوڑ کر گزر جانے کو گناہ تصور نہیں کرتے کیا یہ مسئلہ درست ہے؟ اگر درست ہے تو دلیل کیا ہے؟


الجواب بعون الوهاب بشرط صحة السؤال

وعلیکم السلام ورحمة الله وبرکاته!

الحمد لله، والصلاة والسلام علىٰ رسول الله، أما بعد!

حدیث میں نمازی کے آگے سے گزرنے کی مخالفت کے بارے میں ’بَینَ یَدَیِ المُصَلِّی‘ کے الفاظ ہیں۔(صحیح البخاری،بَابُ إِثْمِ المَارِّ بَیْنَ یَدَیِ المُصَلِّی،رقم:۵۱۰) فاصلہ کی حد بندی کا تعین نہیں۔ البتہ علامہ صنعانی نے سبل السلام(۱۴۲/۱) میں پیشانی رکھنے کی جگہ اور پاؤں کی جگہ کادرمیانی فاصلہ مراد لیا ہے۔ بظاہر اگر کوئی محلِ سُترہ کے باہر سے گزر جائے، تو کوئی حرج معلوم نہیں ہوتا۔ اس کا اندازہ تین ہاتھ کے قریب ہے۔ بیت اﷲ کے اندر آپ صلی اللہ علیہ وسلم نے دیوار کعبہ سے اتنے فاصلہ سے نماز ادا کی تھی۔

  ھذا ما عندي والله أعلم بالصواب

فتاویٰ حافظ ثناء اللہ مدنی

کتاب الصلوٰۃ:صفحہ:296

محدث فتویٰ

ماخذ:مستند کتب فتاویٰ