السلام عليكم ورحمة الله وبركاته
ظہر کی نماز کا وقت آج کل عموماً ایک بجے ہے جب کہ زوال کا وقت گیارہ بج کر پچاس منٹ پر ہے کیا ایک بجے کا وقت نماز کا اول یا درمیانہ یا آخری وقت شمار کیا جائے گا۔ اوّل وقت کب شروع ہوتا ہے۔
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
ظہر کا وقت سورج کے ڈھلنے سے لے کر ایک مثل ( ہر شے کا سایہ اس کے برابر ہوجانے ) تک ہے۔ دوپہر کا سایہ مثل میں داخل نہیں۔ اس حساب سے ظہر کے اوّل کا آپ بخوبی اندازہ کر سکتے ہیں۔ مشارٌالیہ (اوپربیان کردہ) وقت بہر صورت درمیانہ ہے۔ مزید وضاحت کے لیے ملاحظہ ہو!( عون المعبود :جلد اوّل) اور نقشہ اوقاتِ نماز مرتب شدہ قاری عزیر صاحب۔
ھذا ما عندي والله أعلم بالصواب
ماخذ:مستند کتب فتاویٰ
