السلام عليكم ورحمة الله وبركاته
پنجگانہ نماز کی رکعات کی تفصیل حدیث کی روشنی میں بیان فرمائیں کہ کچھ لوگ پنجگانہ نماز کی رکعات اس طرح پڑھتے ہیں، فجر ۴ رکعت ،ظہر ۱۰ رکعت، عصر ۴ رکعت ،مغرب ۵ رکعت اور عشاء۷ رکعت اور بعض فجر ۴ رکعت، ظہر ۱۲ رکعت، عصر۴ رکعت، مغرب۷ رکعت اور عشاء ۱۷ رکعت۔
کیا نیچے والی رکعات پڑھنے والا درست ہے یا اُوپر والا، اور حدیث میں ان کی تعداد کتنی ہے۔ اگر کوئی نیچے والی رکعتیں پڑھے تو وہ بدعت تو نہیں کرے گا اور اگر اُوپر والی رکعات پڑھے تو نماز درست ہو گی؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
نمازوں کی رکعات کی پہلی تعداد زیادہ صحیح ہے۔ البتہ عشاء کے بعد وِتر ایک سے لے کر ۹ تک پڑھے جا سکتے ہیں۔ مزید تفصیل کے لیے ملاحظہ ہو! ہمارے شیخ محدث روپڑی رحمہ اللہ کی کتاب’’تعلیم الصلٰوۃ‘‘(ص: ۵۵۔۵۶، ۶۱ تا۶۳)
ھذا ما عندي والله أعلم بالصواب
ماخذ:مستند کتب فتاویٰ
