السلام عليكم ورحمة الله وبركاته
باس یا انچارج اگر غیر مسلم ہو تو کیا اسے سلام کرنے میں پہل کی جا سکتی ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اللہ کا حکم ہے کہ قولواللناس حسنا(لوگوں سے اچھی بات کہو)ایک دوسری آیت میں اللہ حکم دیتا ہے:
﴿وَقُل لِعِبادى يَقولُوا الَّتى هِىَ أَحسَنُ ...﴿٥٣﴾... سورةالإسراء
’’اے محمد صلی اللہ علیہ وسلم میرے بندوں سے کہہ دو کہ وہ بات کہیں جو بہتر اور بھلی ہو‘‘
اور اس میں کوئی شبہ نہیں کہ سلام میں پہل کرنا بھلی بات ہے۔ بہت ممکن ہے کہ غیر مسلم اس عمدہ اخلاق سے متاثر ہو کر اسلام کی طرف مائل ہو جائے۔
ھذا ما عندی والله اعلم بالصواب
